Qazaqstanda ónimdi tsıfrlyq tańbalaý júıesindegi jumys ońtaılandyrylady

NUR-SULTAN. QazAqparat - Qazaqstanda ónimdi tsıfrlyq tańbalaý júıesindegi jumysty, qabyldaý-tapsyrý aktilerimen jumysty ońaılatý josparlanǵan. Sonymen qatar 2D-skanermen skanerleýsiz tańbalaý júıesinde taýardy esepten shyǵarý múmkindigi qarastyrylyp jatyr, dep habarlaıdy QazAqparat Memlekettik kirister komıtetine silteme jasap.

2020 jylǵy 1 qazannan bastap Qazaqstanda temekilerdi tsıfrlyq tańbalaý mindettelgen. Qazaqstan aýmaǵynda óndiriletin nemese elge ımporttalatyn barlyq temeki tsıfrlyq markamen tańbalanady. Onda ónim týraly sandyq aqparat bolady.

«Temeki ónimderin satý úshin qymbat jabdyq satyp alýdyń qajeti joq, taýarlardy tańbalaýdyń aqparattyq júıesinde siltemesi boıynsha elektrondy-tsıfrlyq qoltańbany paıdalaný arqyly tirkelý jetkilikti»,- dep atap ótti komıtetten.

2D skanerdiń durys jumys isteýi úshin onlaın BKM-de taýarlar nomenklatýrasyn qosý qajet. Saıtta taýarlar nomenklatýrasyn jańartýǵa qosymsha shyǵyndardy boldyrmaý úshin onlaın BKM -da taýarlar nomenklatýrasyn óz betinshe qosý boıynsha nusqaýlyq ornalastyrylǵan. Taýarlar nomenklatýrasyn jańartqannan keıin 2D skaner sandyq tańbalaýdy durys oqıdy.

2D skanerlerge balama retinde Naqty Sauda (Android jáne IOS) tegin mobıldi qosymshasyn paıdalaný kerek.

Tańbalaý júıesinde tańbalanǵan temeki ónimderimen jumysty ońaılatý úshin qabyldaý-tapsyrý aktilerimen jumysty ońaılatý, 2D-skanermen skanerleýsiz tańbalaý júıesinde taýardy esepten shyǵarý múmkindigi týraly másele qaralady.

«Usaq bólshek saýdada tańbalanǵan taýarmen jumystyń problemalyq máselelerin pysyqtaý úshin taýarlardy tańbalaýdyń biryńǵaı operatory aımaqtarǵa barady, shaǵyn dúkenderdiń bıznes-protsesterin zerdeleıdi jáne usaq bólshek saýdada jumys isteý bóliginde tańbalaý qaǵıdalaryna ózgerister engizý týraly usynymdar pysyqtalady», delingen habarlamada.

Shaǵyn bólshek saýdadaǵy kóptegen problemalar oqýda jatyr. Qazir shaǵyn kásipkerler úshin tańbalanǵan taýarlarmen jumys isteýdiń ártúrli aspektileri boıynsha paıdaly nusqaýlyqtar men jadynamalar ázirlenýde, beınematerıaldar daıyndalýda, sondaı-aq táýlik boıy jumys isteıtin tsıfrlyq tańbalaý jónindegi baılanys ortalyǵynyń bolýy týraly aqparatty belsendi taratady. Jedel jeli telefony - 8 800 080 6565.

«Sondaı-aq, temeki 1999 jyldan bastap qaǵaz aktsızdik markalarmen tańbalanatynyn, bizdiń sandyq tańbalaýdy engizgenimizdi, endi 2022 jyldyń qańtarynan bastap qaǵaz aktsızdik markany alyp tastaıtynymyzdy atap ótemiz», - delingen habarlamada.