Qazaqstanda Ónerkásiptiń jaı-kúıi týraly ulttyq baıandama ázirlenedi
«Úkimettik nusqada Ónerkásiptiń jaı-kúıi týraly ulttyq baıandama kózdelmegen. Biraq, onda ındýstrııalyq ahýaldy baǵalaý bar. Depýtattarmen túzetýlerdi jumys tobynda talqylaý barysynda ındýstrııalyq ahýal men ónerkásiptiń damýyn baǵalaýdy bir qujatqa toptastyramyz dep sheshtik. Jáne de Ónerkásiptiń jaı-kúıi týraly ulttyq baıandamaǵa túzetýler engizildi ári QR Prezıdentiniń qaraýyna usynylady», - dedi Amanııaz Erjanov.
Onyń atap ótýinshe, engizilgen túzetýlerge sáıkes, Ulttyq baıandama eki analıtıkalyq derekkózge, atap aıtqanda, ındýstrııalyq damýdy baǵalaý men ónerkásipti memlekettik yntalandyrý is-sharalarynyń tıimdiligin baǵalaýǵa negizdeledi.
«Túptep kelgende Ulttyq baıandama memlekettik josparlaý júıesinde qujattar qalyptastyrý úshin negiz bolady jáne ózine Ulttyq ekonomıka mınıstrligi aınalysatyn memlekettik josparlaý júıesiniń barlyq máselelerin daıyndaý barysynda búkil suraqtardy qamtıdy. Sonymen qatar Ulttyq jobada orta merzimdi jáne uzaq merzimdi kezeńge arnalǵan ónerkásiptik saıasatttyń basymdyqtary men baǵyttaryn kózdeıdi», - dedi ol.
Vıtse-mınıstrdiń aıtýynsha, Ulttyq baıandama dóńgelek ústelderde, qoǵamdyq keńesterde, Ulttyq kásipkerler palatasy alańdarynda jan-jaqtytalqylanatyn bolady.
Aıta keteıik, búgin Májiliste «Ónerkásiptik saıasat týraly» jańa zań jobasy talqylanǵan edi.