Qazaqstanda ónerkásip ónimderi jyl basynan beri 2,4% qymbattady

ASTANA. QazAqparat - Qazaqstanda ónerkásip ónimderin shyǵarýshy kásiporyndardyń ónimderiniń quny 2018 jyldyń sáýir aıynda aldyndaǵy aımen salystyrǵanda 0,1% kemidi. Al, 2017 jyldyń jeltoqsan aıymen salystyrǵanda 2,4% ósti, dep habarlaıdy QazAqparat QR Ulttyq ekonomıka mınıstrliginiń statıtıka komıtetine silteme jasap.

Bul rette ónerkásip baǵytyndaǵy qyzmetter qosa alynyp otyrǵanyn aıta ketý kerek.

Jyl basynan beri qaıta óńdeý ónerkásibindegi óndirýshi-kásiporyndardyń baǵasy 2,8% ósti, taý-ken salasynda 2% qymbattady. Óndirilgen ónerkásip óniminiń quny 2,1% artty, ónerkásip baǵytyndaǵy qyzmetter 5,9% ósti.

Atalǵan merzimde dızel otyny 10,3%, tabıǵı gaz 5,6%, kómir 3,3%, metall rýdalary 3,1%, munaı 1,5%, mazýt 1,1% benzın 0,4% qymbattap, suıytylǵan propan men býtan 2,2% arzandap ketti.

Ferroqorytpalar 15,3%, qaratmetaldar prokaty 5,9%, tsınk 0,7% qymbattap, allıýmınıı 3,5%, qorǵasyn 3,4%, mys 2,2%, qundy metaldar 0,9% arzandaǵan.

Ónim óndirýshiler arasynda shaı baǵasy 4%, qarabıdaı uny 3,6%, ósimdik maıy 2,6%, qant 2,4%, kúrish 1,9%, sút ónimderi 0,7%, nan 0,4% ósip, bıdaı uny 4,9%, jarmalar 4,5%, qus eti 1,6%, makaron ónimderi 1,5% tómendedi.