Qazaqstanda óndiristik bazany jalǵa alý quny qymbattady

ASTANA. QazAqparat - Qazaqstanda 2019 jyldyń naýryzynda kommertsııalyq jyljymaıtyn múlikti jalǵa alý quny 2018 jyldyń jeltoqsanymen salystyrǵanda 0,2%, osy jyldyń qańtar-naýryzyndaótken jyldyń osy kezeńimen salystyrǵanda 0,3% artqan, dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.

Osy jyldyń basynda óndiristik ǵımarattardy jalǵa alý quny 1,4%-ǵa, basqa da kommertsııalyq jyljymaıtyn múlikter - 0,8%-ǵa, parkıngter - 0,3%-ǵa qymbattady. Ákimshilik-keńselik baǵyttaǵy, saýda jáne qoıma ǵımarattarynyń arenda baǵasy 0,2%-ǵa artty. Óz kezeginde meıramhanalar men qoǵamdyq tamaqtaný oryndarynyń jalǵa alý quny ózgerissiz qalǵan.

Esepti kezeńde ónerkásip bazalarynda baǵa qatty kóterilgen - 2,2%. Bank bólimsheleri men óndiristik tsehtar - 1,1%-ǵa, fotosalondar 0,6%-ǵa joǵarylaǵan. Dúńgirshekter arendasy 1,8%-ǵa, fıtnes klýbtar men jattyǵý zaldary 0,8%-ǵa arzandaǵan.