Qazaqstanda oń rýldi 19 myń kólik júr - mınıstrlik

ASTANA. QazAqparat – QR Іshki ister mınıstri Marat Ahmetjanovtyń málimeti boıynsha. Qazaqstanda 19 myń oń rýldi kólik júr, dep habarlaıdy QazAqparat tilshisi.

Bul týraly ol ortalyq kommýnıkatsııalar qyzmetinde ótken brıfıngide málim etti.

«Rýli oń jaqtaǵy kóilkter qalaı zańdastyrylady? Olardy sol jaqqa aýystyrý kerek pe?» dep surady jýrnalıst mınıstrden.

Marat Ahmetjanovtyń aıtýynsha, qazir Prezıdenttiń atalǵan baǵyttaǵy tapsyrmasyn 2007 jylǵy zańnamalyq normalarmen sáıkestendirý jumystary júrip jatyr.

«Qazir bul másele talqylanyp jatyr. Ózderińiz bilesizder, 2007 jyldan beri rýli oń jaqtaǵy kólikterdi tirkeýge zańnamada tyıym salynǵan. Biraq Memleket basshysynyń tapsyrmasy aıasynda sheshim qabyldanady. Qazir qaralyp jatyr. Bizdiń málimetimiz boıynsha, qazir Qazaqstanda 19 myńǵa jýyq kólik bar», - dedi Іshki ister mınıstri.