Qazaqstanda on aıda 71,2 mln tonna munaı men gaz óndirildi

ASTANA. QazAqparat - Qazaqstanda 2017 jylǵy qańtar-qazanda ónerkásiptik óndiristiń ındeksi 107,5% qurady. Bul týraly Ulttyq ekonomıka mınıstrligi Statıstıka komıtetinen málim etti.

Aǵymdaǵy jyldyń qańtar-qazanynda 2016 jyldyń sáıkes kezeńimen salystyrǵanda shıki munaı, tabıǵı gaz, metall kenderi men kómirdiń óndirisi artty. Atap aıtqanda, atalmysh aralyqta munaı óndirisi (gaz kondensatyn qosa alǵanda) - 71,2 mln tonnany, mys kenderi - 81,2 mln tonnany, un - 3,4 mln tonnany, benzın - 2,6 mln tonnany, dızeldik otyn - 3,7 mln tonnany, tazartylǵan mys - 0,3 mln tonnany jáne elektr energııasy 83,7 mlrd kVt saǵatty qurady.

Sondaı-aq tamaq ónimderi, munaı óńdeý, farmatsevtıka, metallýrgııa ónerkásibi jáne mashına jasaý ónimderiniń óndirisi ósti.

Onymen bir mezgilde, temeki ónimderiniń, rezeńke jáne plastmassa buıymdarynyń, kompıýterler, elektrondy jáne optıkalyq ónimderdiń óndirisi tómendedi.

Óndiris kóleminiń artýy respýblıkanyń 14 óńirinde baıqaldy.