Qazaqstanda Olımpıada oıyndaryna qatysý úshin áıelder velosportynan ulttyq shtattyq komanda qurylady
Qazaqstan velosport federatsııasynyń vıtse-prezıdenti ári «Astana Acca Due O» áıelder velosıped komandasynyń sporttyq dırektory kezdesý barysynda otandyq áıelder velosportynyń qazirgi jaı-kúıi jaıynda baıandap, bul salany damytý baǵytyndaǵy federatsııanyń josparlarymen bólisti.
«Zúlfııa Zabırova áıelder velosportynan óńirlik jáne ulttyq shtattyq komanda qurý qajettigin atap ótti. Ol otandyq sportshylardy irikteýge jáne olardyń sporttyq sheberligin arttyra túsýge múmkindik beredi. Kelesi jyly federatsııa otandyq shabandozdardan turatyn óńirlik komanda qurady. Aıta keterligi, atalǵan komanda joǵary deńgeıdegi halyqaralyq jarystarǵa qatysyp, olımpıada lıtsenzııalaryn utyp alý múmkindigine ıe bolady. Sondyqtan óńirlik velokomanda men Ulttyq shtattyq komanda dırektsııasy bazasynda komanda qurý elimizde áıelder arasyndaǵy velosporttyń damýyna tyń serpin beredi», - delingen federatsııa aqparatynda.
G.Ábdiqalyqova óz kezeginde Qazaqstanda sportty damytý mańyzdy ekendigin atap ótip, óz tarabynan elimizdegi áıelder velosportyn qoldaýǵa daıyn ekendigin bildirdi. A.Muhamedıuly óz kezeginde federatsııa bastamasyna qoldaý bildirdi. Onyń atap ótýinshe, áıelder velosportyn damytýdy elimizdiń óńirlerinen bastaǵan jón.
Kezdesý sońynda Z.Zabırova Memlekettik hatshyny aǵymdaǵy jyldyń tamyz aıynda jasóspirimder arasynda ótetin trektegi velosport boıynsha UCI álem chempıonatyn tamashalaýǵa shaqyrdy.
Aıta keteıik, «Astana Acca Due O» áıelder velosıped komandasy 2014 jyly quryldy. Onyń sapynda elimizdegi eń úzdik 7 sportshy bar.