Qazaqstanda ólim-jitim 5 paıyzǵa azaıdy
«Mindetti áleýmettik medıtsınalyq saqtandyrý qorynyń jumysy halyqtyń jalpy densaýlyq jaǵdaıymen tikeleı baılanysty. Sondyqtan da búgingi jıynda aıtylatyn usynys, pikir, ıdeıa men ótinishter atalǵan salany jetildire túsýge septigin tıgizedi. Pandemııaǵa baılanysty halyq densaýlyǵynyń nasharlaǵanyn bilesizder. Koronavırýstyń saldarynan elimizde ólim-jitimniń kóbeıgenin de habardarsyzdar», - dedi Ajar Ǵınııat elordada ótken mindetti áleýmettik medıtsınalyq saqtandyrý máselelerine arnalǵan dóńgelek ústel barysynda.
Mınıstrdiń aıtýynsha, halyqtyń densaýlyq jaǵdaıyna aı saıyn saraptama jasalady.
«Bıylǵy jyldyń 4 aıynyń qorytyndysy boıynsha adam ólimi azaıdy. Ótken jylǵa qaraǵanda ólim-jitim 5 paıyzǵa tómendegen. Búginde epıdemıologııalyq jaǵdaı jaqsardy. Elimiz pandemııadan keıin aıaqtan qaıta turyp keledi. Osy oraıda halyq densaýlyǵy kórsetkishi de jaqsaryp keledi», - deıdi ol.
Aıta ketsek, Nur-Sultan qalasynda elimizde engizilgen mindetti áleýmettik medıtsınalyq saqtandyrý júıesi qyzmetine arnalǵan dóńgelek ústel ótip jatyr.
Atalǵan sharaǵa sala mamandary men jaýapty tulǵalar qatysyp MÁMS-ke qatysty túıtkildi máselelerdi ortaǵa salýda.