Qazaqstanda oqıǵaly týrızmdi damytý qajet- maman

ALMATY. QazAqparat- Qazaqstanda oqıǵaly týrızmdi damytý qajet. Mundaı pikirdi jýrnalıstermen kezdesý barysynda «Almaty qalasynyń týrıstik aqparattyq ortalyǵy» JShS dırektory Edige Marǵulan aıtty, dep habarlaıdy QazAqparat tilshisi.

Onyń aıtýynsha, oqıǵaly týrızm – saıahat barysynda bir is-sharaǵa baǵyttalǵan týrızm túri. Ol oqıǵa mádenıetke, sportqa, bızneske qatysty bolýy múmkin.

« Qazir bizdiń elde is-shara týrızmi qarqyn alýda. Máselen, qyrkúıekte Dımash Qudaıbergenniń kontserti bolady. Bılet satýshy kompanııalardyń málimetinshe, bılettiń basym bóligin sheteldikter satyp alǵan. ıAǵnı, biz de osy baǵytta júrýimiz kerek. Qazaqstanda oqıǵaly týrızmdi damytý qajet», - deıdi Edige Marǵulan.

Almaty qalalyq Týrızm basqarmasy keltirgen derekterge súıensek, osy jyldyń birinshi toqsanynda ornalastyrý oryndary 322,6 myń kelýshige qyzmet kórsetti, bul 2021 jyldyń osy kezeńimen salystyrǵanda 35%-ǵa artyq. Bıyl sheteldik týrısterdiń sany 55,1 myń adamǵa jetti, ótken jyldyń birinshi toqsanymen salystyrǵanda 147%-ǵa kóp. Al ishki týrıster sany 267,5 myń adam. Almatydaǵy qonaqúılerdiń ortasha tolý kórsetkishi sońǵy málimetter boıynsha 76,6 paıyzdy quraıdy.