Qazaqstanda notarıattyq qujattarǵa QR-kod ne úshin beriledi
«Memleket basshysy aǵymdaǵy jyly Qazaqstan Respýblıkasy Parlamentiniń depýtattary bastamashylyq etken notarıat, jyljymaıtyn múlikke quqyqtardy jáne zańdy tulǵalardy memlekettik tirkeý máseleleri boıynsha zańnamalyq aktilerge túzetýler engizý týraly Zańdarǵa qol qoıdy. Notarıat salasyndaǵy negizgi jańalyqtarǵa qysqasha toqtalyp ótpekpin. Kelesi jyldan bastap Biryńǵaı notarıattyq aqparattyq júıede notarıattyq qujattardy saqtaý úshin ortalyqtandyrylǵan elektrondyq repozıtorııdi qurý josparlanýda. Bolashaqta notarıýstar qaǵaz muraǵatynan bas tartady», - dedi vıtse-mınıstr Ortalyq kommýnıkatsııalar qyzmetinde.
Sonymen qatar A. Ámirǵalıev bıyldyń 1 shildesinen bastap jyljymaıtyn múlikpen mámilelerdi resimdeý kezinde eksaýmaqtylyq tártip engiziletinin aıtty.
«Eger buryn jyljymaıtyn múlikpen jasalatyn mámileler notarıýstyń ornalasqan jeri boıynsha kúálandyrylǵan bolsa, endi taraptar onyń ornalasqan jerine qaramastan kez kelgen notarıýsqa júgine alady. Budan basqa, árbir notarıattyq is-áreketke QR-kod beriledi, ol biregeı bolyp sanalady jáne qujatty burmalaýdan qorǵaýdy qamtamasyz etedi. Halyqqa yńǵaıly bolý úshin elektrondyq qujattyń qaǵaz qujatqa teń ekendigin kýálandyrý boıynsha notarıattyq is-áreketter engizildi, bul azamattarǵa qajetsiz jol júrýden, poshtamen jáne kýrerler arqyly jiberýden qutylýǵa múmkindik beredi», - dedi ol.