Qazaqstanda norovırýs ishek ınfektsııasyn juqtyrý jaǵdaıy tirkelgen joq – mınıstrlik

<p>ASTANA. KAZINFORM &ndash; QR Densaýlyq saqtaý vıtse-mınıstri Aıjan Esmaǵambetova óńirlerdegi sý tasqyny saldaryna bolýy múmkin ishek ınfektsııalaryna qatysty pikir bildirdi.&nbsp;</p>

«Norovırýs – ishek ınfektsııalarynyń tobyna jatady. Juqpaly aýrýlardyń aldyn alý sharalary norovırýsqa da baǵyttalǵan. Elimizde ishek aýrýlarynyń ósýi baıqalmaıdy. Sý basqan óńirlerdegi epıdemıologııalyq jaǵdaı týraly aıtatyn bolsaq, búginde biz ishek ınfektsııalarymen, onyń ishinde norovırýs juqtyrý jaǵdaıy tirkelgen joq», - dedi Aıjan Esmaǵambetova OKQ brıfınginde suraqqa jaýap bere otyryp.

Buǵan deıin habarlaǵanymyzdaı, elimizdiń sý basqan óńirlerinde medıtsınalyq mekemeler táýlik boıy jumys istep tur. 

Sondaı-aq sý basqan óńirlerde halyqqa psıhologııalyq kómek usynatyn jedel shtab quryldy.