Qazaqstanda «Nıva» avtokóligi óndiristen shyǵarylady
Onyń aıtýynsha, bul Kedendik odaq aıasynda engiziletin ortaq tehnıkalyq reglamentterdiń jańa talaptaryna oraı jasalatyn shara. «Kelesi jyldyń 1 qańtarynan bastap, Kedendik odaqta barlyq múshe elderge ortaq tehnıkalyq reglament engiziledi», - dedi ol QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda. A.Raý bunyń aldynda Ózbekstannan keletin Daewoo kólikterin Qazaqstanǵa ákelýge tyıym salynǵandyǵyn da atap ótti. «2014 jyldyń 5 qańtar kúni QR Úkimetiniń Qaýlysymen ımporttalatyn kólikterge qaýipsizdik talaptary kúsheıtilgen bolatyn. Sol kezde ózbekstandyq kólikter qapy jep qaldy. Keshirińizder, bul qaýipsizdik talaptary. Bizde shyǵarylatyn kólikterdiń barlyǵy, Nıva kóliginen basqasy, aıtpaqshy ol da óndiristen shyǵarylady, qaýipsizdik talaptaryna saı keledi», - dedi ol.