Qazaqstanda negizgi kapıtalǵa salynǵan ınvestıtsııalar 20,8% ósken

ASTANA. QazAqparat - Qazaqstanda negizgi kapıtalǵa salynǵan ınvestıtsııalar 2018 jyldyń qańtar-qazanynda 8631,1 mlrd teńgeni qurap, byltyrǵydan 20,8% ósken, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Eseptik kezeńde  ınvestıtsııalardyń negizgi kózderi sharýashylyq sýbektileriniń menshikti qarajaty bolyp otyr. Onyń kólemi - 6 301,2 mlrd teńge.

Qańtar-qazanda mashınalar, jabdyqtar, kólik quraldar, saımandardy alýǵa jáne olardyń kúrdeli jóndeýine baǵyttalǵan ınvestıtsııa 11,1% -ǵa joǵarylaǵan.

Investıtsııalaý úshin basym salalar ken óndirý ónerkásibi jáne karerlerdi qazý (42%), kólik jáne qoımalaý (12,5%), jyljymaıtyn múlikpen jasalatyn operatsııalar (12,9%). Іri kásiporyndardyń ınvestıtsııa kólemi 4875,2 mlrd teńgeni qurap otyr.