Qazaqstanda negizgi kapıtalǵa salynatyn ınvestıtsııa 21,6 paıyzǵa ósti

ASTANA. QazAqparat - Qazaqstannyń negizgi kapıtalyna quıylatyn ınvestıtsııa kólemi 2018 jyldyń qańtar-qyrkúıek aılarynda 7517,1 mlrd teńgeni quraǵan. Bul 2017 jyldyń sáıkes kezeńimen salystyrǵanda 21,6 paıyzǵa kóp, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Esepti kezeńde ınvestıtsııanyń basym kózi bolyp sharýashylyq sýbektilerdiń jeke qarajaty qalyp otyr. Onyń kólemi 5496 mlrd teńgeni qurady. Qańtar-qyrkúıek aılarynda mashına, jabdyqtar, kólik quraldary, qural-caımandar jáne olardy kúrdeli jóndeýge baǵyttalǵan ınvestıtsııalyq salymdar 16,5 paıyzǵa ósken. 

Negizgi kapıtalǵa salynatyn ınvestıtsııanyń aıtarlyqtaı úlesi taý-ken qazý ónerkásibi men karerlerdi óńdeý (42,2 paıyz), jyljymaıtyn múlikpen baılanysty operatsııalar (13,3 paıyz) jáne kólik pen qattaýda bolǵan. Іri kásiporyndar ınvestıtsııalyq salymdarynyń kólemi 4195,8 mlrd teńgeni qurady.