Qazaqstanda «NEET sanatyndaǵy jastar» uǵymy zańmen bekitiledi
«Memleket basshysy 2019 jylǵy 10 jeltoqsanda Jastar jylynyń jabylý saltanatynda jáne volonter jylynyń basynda memlekettik jastar saıasaty salasyndaǵy zańnamany jetildirý boıynsha is-sharalar qabyldaýdy tapsyrǵan bolatyn. «Qazaqstan Respýblıkasynyń keıbir zańnamalyq aktilerine memlekettik jastar saıasaty máseleleri boıynsha ózgerister men tolyqtyrýlar engizý týraly» zań jobasy (budan ári – zań jobasy) ázirlendi. Onyń sheńberinde «NEET sanatyndaǵy jastar» uǵymyn zańnamalyq bekitý jáne NEET sanatyndaǵy jastarmen qyzmet jónindegi quzyretterdi tolyqtyrý josparlanýda», - dedi Úkimet basshysynyń orynbasary jaýabynda.
Onyń atap ótýinshe, qazirgi ýaqytta zań jobasy Qazaqstan Respýblıkasy Úkimetiniń qaraýynda jatyr jáne Zań jobalaý jumystarynyń josparyna sáıkes belgilengen merzimde Parlament Májilisine engiziletin bolady.
«Budan basqa, «Nur Otan» partııasynyń saılaýaldy baǵdarlamasyn iske asyrý jónindegi Jol kartasyna sáıkes 2021 jyldyń basynan bastap NEET sanatyndaǵy jastar sanyn osy jylǵy 360 myń adamnan 2025 jylǵa qaraı 280 myń adamǵa deıin tómendetýge baǵyttalǵan is-sharalar kesheni iske asyrylýda. Bul kórsetkish 2021 jyly oryndaldy. Strategııalyq josparlaý jáne reformalar jónindegi agenttik Ulttyq statıstıka bıýrosynyń derekteri boıynsha 2021 jyldyń úshinshi toqsanynyń qorytyndysynda NEET sanatyndaǵy jastardyń úlesi 6,7 paıyzdy nemese 250,5 myń adamdy qurady», - dedi Eraly Toǵjanov.