Qazaqstanda munaı jáne gaz-hımııa salasynda 5 zaýyt salynady

NUR-SULTAN. QazAqparat – 2025 jylǵa deıin Qazaqstanda munaı jáne gaz-hımııa salasynda 5 zaýyttyń qurylysy aıaqtalady. Bul týraly QR Energetıka mınıstrliginiń alqa májilisinde vedomstvo basshysy Nurlan Noǵaev aıtty, dep habarlaıdy QazAqparat tilshisi.

Memleket basshysy QR Úkimetiniń keńeıtilgen otyrysynda munaı jáne gaz-hımııa óndirisin jedeldetý boıynsha sharalar qabyldaý, sondaı-aq áleýetti ınvestorlar úshin tartymdy jaǵdaılar jasaý mindetin qoıdy.

Bul máseleni sheshý mynadaı túrde usynylady: bıyl Munaıgaz-hımııany damytý jónindegi 2025 jylǵa deıingi ulttyq jobany ázirleý josparlanýda, ol máselelerdi sheshýge basa nazar aýdara otyryp, salany naqty damytýǵa múmkindik beredi.

Atap aıtqanda: munaıgaz-hımııa jobalaryn shıkizatpen qamtamasyz etý, munaıgaz-hımııa klasterin qurý; odan ári qaıta bólýdi damytý.

«Sonymen qatar, Sheteldik ınvestorlar keńesiniń tapsyrmasy aıasynda MGH jobasyn iske asyrý kezinde onyń qajettilikterin eskere otyryp, Úkimet pen ınvestor arasynda jeke kelisim ázirleý pysyqtalýda.

Bul sharalar 2025 jylǵa qaraı 5 zaýyttyń qurylysyn aıaqtaýǵa múmkindik beredi», - dedi N. Noǵaev.

Osylaısha, kútiletin nátıje:

- óndiris kólemi 9 esege artyp, 2 mln tonna munaıgaz-hımııa ónimin quraıdy;

- el ekonomıkasyna ınvestıtsııalar kólemi shamamen 3,9 mlrd AQSh dollaryn quraıdy.

«Osylaısha, bazalyq munaıgaz-hımııa ónimderin óndirý munaıgaz salasynda tereń óńdeýdi damytý úshin berik negiz bolady, bul bizdiń shıkizat ekonomıkasyn ártaraptandyrý jáne tehnologııalyq damýǵa umtylý jónindegi strategııamyzǵa sáıkes keledi», - dedi mınıstr.