Qazaqstanda munaı óndirý kólemi qysqarmaq

ASTANA. QazAqparat - Qazaqstanda munaı óndirý kólemi 75,5 mln tonnaǵa deıin azaıtylmaq. Bul týraly búgin QR Energetıka vıtse-mınıstri Áset Maǵaýov málim etti.

Onyń sózine qaraǵanda, elimizdegi munaı kompanııalarynyń negizgi bóligi byltyrǵy qarjylyq jyldy teris kórsetkishtermen aıaqtaǵan.

«Byltyr 61 kompanııanyń 36-sy qarjylyq jyldy teris kórsetkishtermen aıaqtaǵan», - dedi ol.

Vıtse-mınıstrdiń sózi boıynsha, 2015 jyly burǵylaý kólemi 2,5 myń metrden, 1,5 myń metrge deıin qysqarǵan.

Boljam boıynsha, bıyl jańa uńǵymalardy burǵylaý kólemi de 50 paıyzǵa tómendemek.

«2014 jyly biz 8,5 mln. tonna óndirsek, 2015 jyly 79,5 mln. tonna aldyq. Boljam boıynsha, aǵymdaǵy jyly 75,5 mln tonna munaı óndiremiz. Kórip otyrǵanymyzdaı, munaı óndirý salasy turalap barady. Sebebi munaı óndirýshiler jaqsy baǵamen ónim sata almaýda, sondyqtan jańa kólem túgili aǵymdaǵy deńgeıge tapsyrys bere almaıdy», - dep atap ótti vıtse-mınıstr.