Qazaqstanda munaı óndirý kólemi artty

ASTANA. QazAqparat - Aǵymdaǵy jyldyń 9 aıynda munaı óndirý kólemi artty. Bul jaıynda QR Ulttyq ekonomıka mınıstrliginiń baspasóz qyzmetinen málim etti, dep habarlaıdy QazAqparat tilshisi.

«2018 jylǵy qańtar-qyrkúıekte 2017 jylǵy qańtar-qyrkúıekpen salystyrǵanda shıki munaı, tabıǵı gaz jáne metall kenderiniń óndirisi ulǵaıdy. Tamaq ónimderi, temeki buıymdary, munaı óńdeý ónimderi, hımııalyq ónerkásip ónimderi, rezeńke jáne plastmassa buıymdary óndirisi, metallýrgııa ónerkásibi jáne mashına jasaý ónimderi óndirisiniń kólemi arty. Sonymen birge, negizgi farmatsevtıkalyq ónimderiniń óndirisi tómendedi», - delingen mınıstrlik aqparatynda.

Vedomstvo taratqan málimetke sáıkes, ónerkásiptik ónimderdiń óndiris kóleminiń ósýi respýblıkanyń 14 óńirinde baıqaldy.