Qazaqstanda munaı qory 76 mlrd tonnaǵa deıin artýy múmkin
«Qazaqstannyń qory qazirgi tańda 5,5 mlrd tonna munaıdy qurap otyr. Bul alynatyn qor. Geologııallyq qordyń kólemi shamamen 15 mlrd tonna. Іri ken oryndardyń kóptegen bóligi 5 shaqyrym tereńdikte ornalasqan, alaıda geologtar odan da kóp tereńdikte munaı bar dep esepteıdi. Sondyqtan boljamdy resýrstar 75-76 mlrd tonnaǵa jetti. Bundaı kórsetkishter Kaspıı mańy oıpaty men Kaspıı teńizi qaırańynyń múmkindikterin qaıta baǵalaýǵa baılanysty jasaldy. Munaı 5-ten 12 shaqyrym tereńdiktegi tuzdy kúmbezderdiń astynda ornalasqan», - dep habarlady «QazAqparat» HAA tilshisine Qazaqstan munaıshy-geologtar qoǵamynyń prezıdenti Baltabek Qýandyqov.
Baltabek Qýandyqovtyń aıtýynsha, bul boljamdy 15 shaqyrym tereńdiktegi uńǵymany burǵylaý arqyly rastaýǵa bolady. Jobany júzege asyrý úshin halyqaralyq konsortsıým quryldy.