Qazaqstanda munaı-gaz salasy úshin taýarlar óndirý júıesi qurylady
«Birinshiden - munaı salasyna qajetti jańa óndiristerdi, onyń ishinde Shevronnyń tikeleı ınvestıtsııalar qorynan qarjylandyrý tetigi arqyly oqshaýlaý. 2021 jyly sáýirde Munaı-gaz mashınasyn jasaýdy damytýdyń halyqaralyq ortalyǵy quryldy. Bul 3 iri operatordyń muqtajdyǵy úshin taýralardy, kórsetiletin qyzmetterdi óndirýge jáne jetizýge jergilikti taýar óndirýshilerdegi, servıstik kompanııalardaǵy bar olqylyqtardy joıýǵa múmkindik beredi.
Osy jyly óndiris úsh taýar toby boıynsha jumystar bastalady: tıek armatýrasy, baqylaý-ólsheý aspaptary, avtomatıka (BÓAjA) jáne elektr tehnıkalyq jabdyq.
Búgingi tańda ortalyq osy úsh taýar tobyna mamandandyrylǵan 60-qa jýyq óndirýshini anyqtady. Olardyń ishinde elimizdiń 13 óńirindegi 50 kásiporyn bar», - dedi ol.
Mınıstrdiń atap ótýinshe, sınergııa jáne oqshaýlaý áleýetin anyqtaý úshin 35 myńnan astam taýar taldandy. Onyń ishinde 19 taýar túri jaqyn bolashaqta operatorlar neǵurlym talap etetin taýarlar retinde aıqyndaldy. Búginde 4 óndirýshimen kelisim jasalady.
«Tehnologııalar transferti jáne taýarlar óndirisin oqshaýlaý jónindegi jumystar jalǵastyrylatyn bolady. Bul shamamen 3 myń jumys ornyn qurýǵa múmkindik beredi. Osyndaı bastamalardyń arqasynda biz munaı-gaz salasy úshin taýarlar óndirý júıesin qurýdy josparlap otyrmyz», - dedi Bolat Aqsholaqov.