Qazaqstanda munaı-gaz salasy úshin taýarlar men qyzmetterdi jetkizýshilerdi izdeý ALASh júıesi arqyly júzege asyrylady

ASTANA. QazAqparat - Munaı-gaz salasynyń satyp alýlary úshin jergilikti mazmundy damytý jáne Jol kartasy sheńberinde ǴZTKÁ jobalaryn is júzinde iske máseleleri KAZENERGY qaýymdastyǵynda Ǵylym, ınnovatsııa jáne jergilikti mazmundy damytý máseleleri jónindegi úılestirý keńesinde talqylandy.

Májilis Qazaqstandaǵy Shell Tóraǵasy Dankan van Bergenniń tóraǵalyq etýimen, PSA, KPO B.V., Bı Djı, Adjıp Qarashyǵanaq B.V., NCOC, QMG-ónimderi, Intergaz OA jáne basqa kompanııalardyń top-menedjmentiniń qatysýymen ótti. Atap aıtqanda, munaı-gaz kompanııalary úshin ALASh - jetkizýshilerdiń jańa derekter bazasyn (portal) engizý, Ulybrıtanııamen ınvestıtsııalyq qarym-qatynastardy damytý boıynsha ári qaraıǵy qadamdar jónindegi josparlar, «alǵashqy tenderler» mehanızmin engizý jáne onyń jumys isteýi, jer qoınaýyn paıdalaný salasyndaǵy satyp alýlardy quqyqtyq retteý, Ǵylymı-tehnologııalyq damýdyń jol kartasyn iske asyrý máseleleri jáne qaýymdastyq músheleriniń ǵylymı-zertteý qyzmetteriniń nusqalary jáne basqa da máseleler talqylandy.

2016 jylǵy aqpannan bastap TShO, KPO jáne NSOS úsh iri jobasynyń operatorlary ALASh júıesiniń kómegimen tapsyrys berýshi usynatyn krıterıılerge sáıkestigi baǵalanatyn taýarlar men qyzmetterdi izdeý boıynsha jumystardy (qaıtadan kvalıfıkatsııalaý) júrgize alady dep kútilýde.