Qazaqstanda múmkindigi shekteýli jandardarǵa arnalǵan ««Qoljetimdi karta» jobasy bastaý aldy
Jobaǵa «Soros - Qazaqstan Qorynyń» qarjylyq qoldaýymen «Arjan» QQ bastamashy bolyp otyr.
Qol jetkizý múmkindigi kartasynda múmkindigi shekteýli jandardyń ózderi, eshkimniń kómeginsiz bara alatyn, qalalyq saıabaq nemese jergilikti ákimdik sııaqty kez kelgen orynǵa jete alý dárejesi týraly aqparat bolady.
"Qazaqstandyq qoǵamda mundaı kartanyń paıda bolatyn kezi áldeqashan kelip jetti. Bul karta múmkindigi shekteýli adamdar úshin kóptegen qoǵamdyq oryndarǵa jetý múmkindigine ıe bola alatyn «altyn kilt» bolar edi. Karta múgedek jandarǵa týǵan qalasynyń, sondaı-aq respýblıkamyzdyń basqa da qalalarynyń qaı jerine óz betterimen bara alatyny, qandaı jerlerde ózgelerdiń kómegi qajet bolatyny, al qaı jerine múldem jete almaıtyny týraly anyq túsinik alýǵa múmkindik beredi",-deıdi jobanyń úılestirýshisi Inna Epıfantseva.
Onyń aıtýynsha, joba úsh aıǵa eseptelgen. "Osy kezeńde qaladaǵy nysandar týraly aqparattar jınalady. Barlyq derekter arzhan.kz veb-torabynda ornalastyrylady",-dedi ol.
Jobany jasaýshylar oǵan elimizdiń barlyq eriktilerin qatysýǵa shaqyryp otyr. Olarǵa kemtar adamdar jete alatyn oryndardy tekserip, ózindik sıpattama berý, bolmasa bireýdiń ótinishi boıynsha sol jerdi tekserý usynylady. Jobaǵa kez kelgen adam erikti túrde qatysa alady. Joba bastamashylary meılinshe kóbirek qalalar men qoǵamdyq mańyzy bar nysandardy qamtýdy kózdep otyr. Qazirdiń ózinde «Arjan» qoǵamdyq qory 44 myń múgedek jan turyp jatqan Almaty qalasynyń keıbir demalys oryndaryna jetý múmkindigin zerttep úlgergen.