Qazaqstanda modýldi 12 ınfektsııalyq aýrýhananyń qurylysy qarqyndy júrip jatyr
13:06, 03 Qyrkúıek 2020
NUR-SULTAN. QazAqparat – Qazaqstanda modýldi 12 ınfektsııalyq aýrýhananyń qurylysy qarqyndy júrip jatyr. Bul týraly QR Densaýlyq saqtaý birinshi vıtse-mınıstri Marat Shoranov málim etti, depr habarlaıdy QazAqparat tilshisi.
Onyń sózine qaraǵanda, óńir ákimdikteri modýldi 12 ınfektsııalyq aýrýhananyń qurylysy men eki aýrýhanany rekonstrýktsııalaýdyń belsendi kezeńine kiristi. Atalǵan jumys koronavırýs indetiniń bolýy múmkin jańa tolqynyna daıyndyq aıasynda iske asyrylýda. Osy oraıda sapaly kómek kórsetýge arnalǵan sharalar atqarylýda.
«Qosymsha 2 700 ınfektsııalyq tósek oryn jasaqtalady. Olar zamanaýı quraldarmen jabdyqtalady. Qarjylandyrý Jumyspen qamtý jol kartasy men jergilikti bıýdjetter esebinen bolady», - dedi M. Shoranov Joldaýdy júzege asyrý taqyrybyna arnalǵan brıfıngide.