Qazaqstanda mıdaǵy qaterli isikti erte dıagnostıkalaýǵa múmkindik beretin preparat shyǵaryldy

ASTANA. QazAqparat - Prezıdent Іs Basqarmasynyń Medıtsınalyq ortalyǵy aýrýhanasy janyndaǵy ıAdrolyq medıtsınalyq ortalyq mamandary 11S-metıonın radıofarmatsevtıkalyq preparatyn shyǵarý jobasyn sátti júzege asyrdy.

Bul týraly búgin QR Prezıdentiniń Іs basqarýshysy A.Dádebaevtyń resmı Telegram arnasynan málim boldy, dep habarlaıdy QazAqparat.

Basqarmanyń aqparatyna qaraǵanda, tomografııany 11C-metıonındi paıdalanyp jasaý mıdaǵy qaterli isikti erte dıagnostıkalaýǵa múmkindik beredi, ol isik kólemin anyqtaýda «altyn standart» retinde moıyndalǵan.

Osy oraıda, byltyr jeltoqsan aıynda jáne bıyl naýryzda Tsıklotrondy keshende eki radıofarmatsevtıkalyq preparat óndirile bastaǵan. Dárigerler aıtqandaı, álemdik tájirıbede aýrýhanalar jyl saıyn bir nemese eki preparat qana shyǵaratynyn eskersek, bul QR Prezıdenti Іs Basqarmasynyń aýrýhanasy úshin úlken jetistik. Osylaısha, qaterli isik aýrýlaryn erte bastan tabý men emdeý baǵytynda úlken nátıjege qol jetkizilip otyr.

ıAdrolyq medıtsınalyq ortalyqta osyǵan deıin 4 myńǵa tarta adam dıagnostıkadan ótken. Olardyń 95 paıyzdan astamy TMKKK arqyly keldi. Tsıklotrondy óndiristik keshende jyl sońyna deıin qaterli isik aýrýlaryna qatysty dıagnostıkalyq zertteýler júrgizýge arnalǵan taǵy eki preparat óndiriske shyǵarylady dep josparlanyp otyr.

«Kezekti jetistikke qol jetkizgen ıAdrolyq medıtsınalyq ortalyq mamandaryn — fızık, hımık, ınjener, radıofarmatsevterdi, dárigerlerdi, meıirbıkeler men sanıtarlardy quttyqtaımyn. Halyq saýlyǵy jolyndaǵy eńbekterińizge tabys tileımiz!»,-delingen habarlamada.