Qazaqstanda menıngokokk ınfektsııasyn juqtyrý 2 ese azaıdy

NUR-SULTAN. QazAqparat – Qazaqstanda menıngokokk juqpasyna shaldyǵý 2 ese azaıdy. Bul týraly Ortalyq kommýnıkatsııalar qyzmetindegi brıfıngte QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraıymy Lıýdmıla Bıýrabekova aıtty, dep habarlaıdy QazAqparat tilshisi.

«Qazaqstanda juqpaly aýrýlardyń basym bóligi boıynsha epıdemıologııalyq ahýal turaqty jáne baqylaýda. 2018 jyldyń sáıkes kezeńimen salystyrǵanda 32 aýrý boıynsha tómendeýge qol jetkizildi. Onyń ishinde A vırýstyq gepatıti boıynsha - 2,5 ese, juqpaly parotıt boıynsha - 2,5 ese, menıngokokk juqpasy boıynsha - 49,4 paıyz, salmonelez - 30 paıyz jáne tynys alý organdary týberkýlezi 10 paıyz tómendedi»,- dedi ol.

Onyń aıtýynsha, elimizde menıngokokk juqpasyna qatysty ahýal turaqty. Respýblıka aýmaǵynda munda juqpaǵa dýshar bolǵandardyń biren-saran deregi ǵana tirkelip jatady.

«Jyldyń basynan beri elimizdiń 12 óńirinde menıngokokk jupqasynyń naqtylanǵan 48 deregi tirkeldi. Al búgingi kúni epıdemııaǵa qarsy barlyq sharalar júrgilizip jatyr. Tolyqtaı alǵanda, jaǵdaı turaqty jáne menıngokokk jupqasyna shaldyǵý deńgeıi bıyl ótken jylmen salystyrǵanda 2 ese tómen»,- dedi ol.