Qazaqstanda memorıaldyq keshenderdiń entsıklopedııasy ázirlenedi

NUR-SULTAN. QazAqparat - Bul jınaq «Birgemiz: Asyl mura» jalpyulttyq jobasy aıasynda basylyp shyqpaq, dep habarlaıdy QazAqparat.

Azamattyq bastamalardy qoldaý ortalyǵy baspasóz qyzmetiniń málimetinshe, 2024 jylǵa deıin memorıaldyq keshender, tarıhı jáne mádenı eskertkishter týraly aqparatty qamtıtyn 3 entsıklopedııa jaryq kóredi. Jınaqtar arqyly qazaqstandyqtar elimizdegi kórikti ári qyzyqty eskertkishter týraly kóbirek aqparat ala alady.

«Entsıklopedııanyń alǵashqy shyǵarylymy memorıaldyq keshenderge arnalady. Oǵan elimizdegi memorıaldyq keshender týraly aqparat pen fotosýretter kiredi. Olardy jınaýǵa bizge aımaqtyq mýzeıler qoldaý kórsetedi. Biz qazaqstandyqtardyń ár keshenniń qaıda ornalasqanyn bilýi kerek dep esepteımiz. Sondaı-aq, biz eriktilerdi tarıhı eskertkishterdi saqtaý jumysyna biriktirip qana qoımaı, el turǵyndaryn tarıhtan syr sherter eskertkishter týraly aqparattan habardar etýdi maqsat tutamyz», - dep atap ótti «Danalyq» QQ menedjeri Bekjan Serikqalıev.

Onyń aıtýynsha, entsıklopedııa jyl sońyna deıin basylyp shyǵady. Basylymnyń jalpy taralymy 500 danany quraıdy. Jınaqtar jergilikti atqarýshy organdarǵa jáne óńirlik kitaphanalarǵa tapsyrylady dep kútilýde.

Sondaı-aq, «Birgemiz: Asyl mura» jobasy aıasynda jyl sońyna deıin volonterlik bastamalarǵa 30 shaǵyn grant bólý qarastyrylǵan.

Aıta keteıik, joba Aqparat jáne qoǵamdyq damý mınıstrliginiń qoldaýymen júzege asyrylady. Joba operatory – Azamattyq bastamalardy qoldaý ortalyǵy.