Qazaqstanda memlekettik qyzmetke kelýshiler sany jyl sanap artýda

ASTANA. QazAqparat - Memlekettik organdarda jumys isteýshilerdiń sany artyp, merıtokratııa qaǵıdalary qatań saqtalatyn boldy, dep habarlaıdy QazAqparat tilshisi. 

Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departament dırektory Jarqyn Tileýkenov baspasóz máslıhatynda aıtty. 

«Bıyl memlekettik qyzmetke qabyldanǵandar sany ótken jyldyń osy kezeńimen salystyrǵanda 36% artqan. Sonymen qatar, memlekettik qyzmetshilerdiń merıtokratııa qaǵıdattaryn saqtaý dınamıkasy da oń ózgeris kórsetýde. Ústimizdegi jyly 2694 memlekettik qyzmetshi qyzmet babymen ósken, bul aldyńǵy jylmen salystyrǵanda 63%-ke artyq», -dedi Jarqyn Tileýkenov.

Memlekettik qyzmetke ashyq konkýrs túrinde, irikteý arqyly qabyldanǵandar sany 42% artty. Turaqty bos jumys oryndarynyń sany 10% tómendese, jergilikti jerlerde jumystan ketý kórsetkishi 5\1 quraıdy. 

Sonymen qatar, departament basshysynyń aıtýynsha, memlekettik qyzmetkerlerdiń ishinde shetelde bilim alǵandardyń sany men kórsetkishi artqan. 

«Bıyl sheteldik bilimi bar 981 qyzmetker bar, bul ótken jylǵa qaraǵanda 19% artyq»,- dep atap ótti Jarqyn Tileýkenov.