Qazaqstanda memlekettik baǵdarlamalardy ulttyq jobalar almastyra ma
«Árbir jumystyń jobalyq amal-ádiske beıimdelýi – óte mańyzdy sharýa. Ózderińiz biletindeı, aýqymdy korporatsııalar men jeke sektorlardaǵy iri kompanııalar jobalyq ádiske kóshe bastady. Tipti búkil álemde memlekettik júıeler de osy amalǵa kóshýde. Ulybrıtanııa, Malaızııa elderi birinshi bolyp jobalyq basqarýǵa ótip ketti. Bul tájirıbe postkeńestik elderde qoldanyla bastady. 2018 jyldyń ózinde biz jobalyq keńselerdi qura bastaǵanymyzdy bilesizder. Osy rette memlekettik josparlaýdyń jańa quraly paıda bolady. Ol – ulttyq jobalar dep atalady. Bul – úsh ıdeıaly mańyzdy mindetterden turady. Eń aldymen bul sharalar kesheni adamtsentrıstik sıpatqa ıe. ıAǵnı eń aldymen adamdar birinshi orynǵa qoıylady. Qandaı da bir joba adamdarǵa ne ákelenetinine taldaý jasalady. Ekinshi mindet - jobalyq ádis. Ulttyq joba búkil ekonomıkaǵa áser etetin bolady», - dedi Qaırat Kelimbetov sarapshy Rahym Oshaqbaevpen «Habar 24» arnasynda júrgizgen suhbatynda.
Osy kezde Rahym Oshaqbaev spıkerden «Ulttyq jobalar memlekettik baǵdarlamardyń ornyna kele me?» dep surady.
«Memleket basshysynyń 1 shildege deıin negizgi memleketik baǵdarlamalardan ulttyq jobalarǵa kóshý jumysyn aıaqtaý týraly mindeti bar. Ulttyq jobalar – keshendi sharalardyń yqsham mazmuny. Olar eń aldymen kózdelgen maqsatqa jetýdi, osy maqsattardyń jetken satylarynyń mańyzdylyǵyn, resýrstardyń qoljetimdiligin kózdeıdi. Bul jobalar tsıfrlandyrylady. Naqty qandaı memlekettik maqsat kózdelip otyrǵany aıqyndalady. Naqty kim jaýapty ekeni bekitiledi. Bul baǵytta aıtarlyqtaı qarajat bólinedi. Sol sebepti qandaı da bir tapsyrma qanshalyqty oryndalyp jatqanyn taldaıtyn memlekettik organdar men halyqtyń arasyndaǵy keri baılanys bolǵany durys», - dedi ol.
Eske sala ketsek, búgin Aqordada Memleket basshysy Qasym-Jomart Toqaevtyń tóraǵalyǵymen Reformalar jónindegi Joǵary keńestiń úshinshi otyrysy ótken bolatyn. Jıynda Qazaqstan Respýblıkasynyń 2025 jylǵa deıingi ulttyq damý josparyn ázirleý, Memlekettik josparlaýdyń jańa júıesi, Memlekettik basqarýdy damytýdyń 2030 jylǵa deıingi tujyrymdamasy, 2021-2025 jyldarǵa arnalǵan jekeshelendirý josparynyń jobasy, sondaı-aq, Jedel reformalar paketi jáne ulttyq halyq sanaǵyn ótkizý máseleleri qarastyryldy.
Otyrysta Prezıdent memlekettik basqarýdy damytý úshin is-qımyldar josparyn qabyldaýdy tapsyrdy.