Qazaqstanda melıoratsııa týraly jeke zań qabyldanbaıdy
«Agroónerkásiptik keshendi jáne aýyldyq aýmaqtardy damytýdy memlekettik retteý týraly» Qazaqstan Respýblıkasynyń Zańyna sáıkes melıoratsııa fýnktsııalary sýarmaly jerlerdiń melıoratsııalyq jaı-kúıine monıtorıng júrgizý jáne baǵalaý bóliginde Qazaqstan Respýblıkasy Aýyl sharýashylyǵy mınıstrligine bekitilgen. Bul rette qýań jerlerdiń, tuzdy, batpaqty, shamadan tys ylǵaldanǵan jerler, olardyń jaǵdaıy sýdyń áserine baılanysty jaı-kúıin jaqsartý maqsatynda júrgiziletin jerdi gıdromelıoratsııalaý bóliginde Qazaqstan Respýblıkasy Ekologııa, geologııa jáne tabıǵı resýrstar mınıstrligine júktelgen», - dep atap ótedi Úkimet basshysy jaýabynda.
Premer-Mınıstrdiń atap ótýinshe, budan basqa jeke nemese zańdy tulǵalardyń jerdi paıdalanýy men qorǵaýyn memlekettik baqylaý, sondaı-aq jerdi utymdy paıdalaný normalary Qazaqstan Respýblıkasynyń jer zańnamasymen rettelgen.
Sondaı-aq jer zańnamasynda jer ýchaskeleriniń menshik ıeleri men jer paıdalanýshylardyń daqyldardy kezektestirýdiń belgilengen shemalaryn saqtaý, qajetti melıoratsııalyq jáne qalpyna keltirý jumystaryn júrgizý, onyń ishinde ýchaskede bar sýarý jáne kollektorlyq-drenajdyq júıelerdi tıisti tártippen ustaý jónindegi mindetteri kózdelgen.
«Bul rette Ákimshilik quqyq buzý kodeksiniń 338-babyna sáıkes aýyl sharýashylyǵy maqsatyndaǵy jerlerdi utymsyz paıdalanǵany nemese paıdalanbaǵany úshin ákimshilik jaýapkershilik kózdelgenin atap ótemiz. Baıandalǵannyń negizinde melıoratsııa týraly jeke zań ázirleýdi orynsyz jáne qoldanystaǵy zańnamalyq aktilerdi basshylyqqa alý qajet dep paıymdaımyz», - dedi Álıhan Smaıylov.