Qazaqstanda medıtsınalyq maska óndirisi eki esege ósti

NUR-SULTAN. QazAqparat - Qazaqstanda karantın kezeńinde medıtsınalyq maska men antıseptıkalyq quraldar óndirisi eki esege ósti. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat tilshisi.

«Bıyl naýryz aıynda otandyq farmatsevtıkalyq kásiporyndar táýligine 170 myń dana medıtsınalyq betperde shyǵarsa, búginde bul kórsetkish 2 esege artyp, 340 myń danaǵa jetti. Al zalalsyzdandyrý quraldaryn óndirý táýligine 86 myń lıtrdi qurasa, qazirgi ýaqytta 170 myń lıtrden asty», - delingen vedomstvonyń Telegram paraqshasynda jarııalanǵan aqparatta.