Qazaqstanda medıtsınalyq qyzmetterdiń sapasy qalaı baqylanady

NUR-SULTAN. QazAqparat - Mindetti áleýmettik medıtsınalyq saqtandyrý aıasynda medıtsınalyq qyzmet kórsetetin uıymdarǵa baqylaý júrgiziledi. Bul týraly QR Densaýlyq saqtaý mınıstrliginiń jaýapty hatshysy Botagóz Jaqselekova aıtty, dep habarlaıdy QazAqparat tilshisi.

«Halyq densaýlyǵy týraly» kodekske sáıkes, medıtsınalyq qyzmetke tólem jasalmastan buryn ol (medıtsınalyq qyzmet kórsetetin uıym) sapa monıtorınginen ótedi. Dál osy sapa monıtorıngin, kelisimshart mindettemeleriniń oryndalýyn qor júzege asyrady«, - dedi mınıstrliktiń jaýapty hatshysy medıtsınalyq qyzmetterdiń elektrondy portalyn iske qosýǵa arnalǵan shara aıasynda.

B.Jaqselekovanyń atap ótýinshe, kórsetiletin qyzmet sapasy unamaǵan jaǵdaıda naýqas qordyń Call-center-ine nemese onyń fılıaldaryna júginýi qajet.

»Áleýmettik medıtsınalyq saqtandyrý qory bul ózindik advokat, saqtandyrý agenti desek bolady. Eger siz kórsetilgen medıtsınalyq qyzmettiń sapasyna ne bolmasa kólemine qanaǵattanbasańyz, onda ÁMSQ Call-center-ine ne bolmasa búkil respýblıkadaǵy onyń 17 fılıalyna habarlasa alasyz. ıAǵnı, biz dál osy keri baılanys arqyly qyzmet sapasyn kúsheıtýdi, al halyqtyń qanaǵattaný deńgeıin arttyrýdy kútip otyrmyz«, - dedi ol.

Osy oraıda árbir jekelegen jaǵdaı boıynsha ÁMSQ qyzmetkeri patsıentpen jáne oǵan qyzmet kórsetken medıtsınalyq uıymmen tikeleı baılanysqa shyǵyp, nátıjelerge tekserý júrgizetindigin basa aıtty.

»Eger naýqas shaǵymdanǵan fakti shynymen de oryn alǵan bolsa, onda bizde sapasyz ne bolmasa tolyq kólemde kórsetilmegen qyzmetke tólem jasamaýǵa múmkindik beretin qarjylyq tetik bar«, - dedi Botagóz Jaqselekova.