Qazaqstanda Materıaldyq emes mádenı mura ortalyǵy ashylýy múmkin
«Mınıstrlik mádenı murany saqtaý, jandandyrý men tanymal etýge kóp kóńil bóledi. «Mádenıet týraly» QR Zańynyń 32-babyna sáıkes kóne jáne biregeı mýzykalyq aspaptar materıaldyq mádenı qundylyqtarǵa, oryndaýshylyq ónerler materıaldyq emes mádenı qundylyqtarǵa jatqyzylýdyń negizinde tıisti is-sharalar qabyldanýda. Bul rette qazaqtyń dástúrli kúı óneri ıÝNESKO-nyń Adamzattyń materıaldyq emes mádenı murasynyń reprezentatıvti tizimine engizildi. Qazaqtyń ulttyq mýzykalyq aspaptary men oınaý óneri (qobyz, jetigen, sybyzǵy, shańqobyz), qazaqtyń dástúrli án óneri Qazaqstan Respýblıkasynyń materıaldyq emes mádenı murasynyń ulttyq tizimine engizildi. Osy oraıda 2023 jyly Materıaldyq emes mádenı mura ortalyǵyn ashý usynysy ázirlenip jatyr. Bul ortalyq dombyra teorııasyn zertteý men praktıkasymen aınalysatyn bolady», - dedi ol.
Vıtse-mınıstrdiń dereginshe, «Ádebıettiń áleýmettik mańyzdy túrlerin satyp alý, basyp shyǵarý jáne taratý» respýblıkalyq bıýdjettik baǵdarlama aıasynda ulttyq aspaptardy, onyń ishinde dombyrany dáripteý týraly zertteýshi ǵalymdardyń eńbekteri jaryq kórip keledi. Al «Tanymdyq ádebıet» serııasymen «Dombyra – kıe» (Kádirbek Segizbaıuly), «Dombyra-kúı dástúr-damý» (Saharbaeva Karıma), «Altaı-Qobda dombyra kúıleri» (Musaıf Hýsaıan), «Dombyra oınaý ońaı ma?» (Jumageldi Nájimedenov), «Dombyra» (Shámshi Nııazın), «Dombyra» (Serik Seıitman), «Qazaqtyń dombyra óneri» (Murat Ábýǵazy), «Kóne dúnıe kúmbiri - Melodıı drevnostı» (Jarqyn Shákárim) atty ádebıetter basylyp shyǵyp, memleket menshigindegi respýblıkalyq, oblystyq kitaphanalarǵa taratyldy.
«Aldaǵy ýaqytta osy baǵyttaǵy ádebıetterdi basyp shyǵarý boıynsha daıyn qoljazbalar kelip túsken jaǵdaıda qoldanystaǵy zańnama tártibinde qarastyryp, basyp shyǵarýǵa ázir ekenimizdi habarlaımyz.
Sonymen qatar qazirgi ýaqytta dástúrli kúıler men ánder, saz aspaptary arnaıy mýzykalyq mektepterde, orta jáne joǵary oqý oryndarynda oqytylyp, ulttyq óner ıeleri men janashyrlarynyń qatary artýda. Orta bilim beretin mektepterdiń baǵdarlamasyna dombyra úıretý sabaqtaryn engizý týraly Memleket basshysynyń bastamasyna sáıkes memlekettik shyǵarmashylyq tapsyrys aıasynda «Dombyra» úıirmelerin ótkizý boıynsha qyzmetter kórsetilip jatyr. Qazirgi tańda «Artsport» baǵdarlamasy aıasynda jumys isteıtin 643 dombyra úıirmesine 26388 bala qatysady. Osy tájirıbeni mektepterge taratý jumystary jalǵasatyn bolady», - dedi Erjan Erkinbaev.