Qazaqstanda maska artyǵymen shyǵarylyp jatyr

NUR-SULTAN. QazAqparat - Elimizge koronavırýs indetiniń ekinshi tolqyny keledi dep boljanýyna baılanysty maska artyǵymen jasalyp jatyr. Bul týraly «SQ-Farmatsııa» JShS basqarma tóraǵasy Erhat Esqalıev málim etti, dep habarlaıdy QazAqparat tilshisi.

«Búginde elimizde maska shyǵarý artyǵymen júzege asyrylýda. Bul maskaǵa degen suranys pen qoldanysqa da baılanysty. Maskany ár adam ártúrli qoldanady. Bireýler talapqa saı paıdalansa, keıbireýler bir maskamen 2-3 kún júredi. Bizde qazir maskanyń 2 túri bar, biri - medıtsınalyq, ekinshisi - qorǵaýshy maska. Qorǵaýshy maska tirkeý kýáligi synaǵynan óte almady. Sondyqtan da onyń baǵasy arzan. ıAǵnı medıtsınalyq maska - 60 teńge bolsa, qorǵaýshy maska 40 teńge turady», - dedi E. Esqalıev.

Onyń aıtýynsha, «SQ Farmatsııa» qoımasynda maska qory saqtalmaıdy, ıaǵnı shyǵarýshy uıymdar medıtsınalyq mekemelerge tikeleı jetkizedi.

Aıta ketsek, buǵan deıin atalǵan uıym basshysy elimizde 2021 jylǵa arnalǵan dári-dármek qory satyp alynyp jatqanyn aıtqan bolatyn.