Qazaqstanda mashına jasaý óndirisi 121,2% artty

NUR-SULTAN. QazAqparat - 2021 jyldyń aqpan aıynda Qazaqstanda mashına jasaý óndirisiniń ósimi 121,2% qurady. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

2021 jyldyń qańtar-aqpan aılarynda 2020 jyldyń sáıkes kezeńimen salystyrǵanda óndiris kólemi artqan. Atap aıtqanda:

- avtokólik quraldarynyń, treılerler men jartylaı tirkemelerdiń naqty kólem ındeksi (NKI) – 119,6%;

- elektr jabdyqtarynyń NKI - 107,4%;

- basqa da kólik quraldarynyń NKI - 138,5%;

- basqa sanattarǵa engizilmegen mashınalar men jabdyqtar NKI - 154,6%;

- kompıýterler, elektrondy jáne optıkalyq ónimder NKI - 138,5%;

- mashınalar men jabdyqtardy jóndeý jáne ornatý NKI - 104,9%.