Qazaqstanda mas kúıinde kólik júrgizgenderge jaýapkershilik kúsheıtiledi

NUR-SULTAN. QazAqparat – Qazaqstanda mas kúıinde kólik júrgizgeni úshin jaýapkershilik kúsheıtiledi. Bul týraly QR Bas prokýrorynyń orynbasary Marat Ahmetjanov málim etti, dep habarlaıdy QazAqparat tilshisi.

«Qazirgi tańda mas bolsyn, saý bolsyn adamdy mashınamen qaǵyp mert qylsa, jaza birdeı, ıaǵnı bes jyl. Endi osyǵan baılanysty jańa quram engizilip otyr. Mas kúıinde jasalǵan osyndaı qylmys úshin on jylǵa bas bostandyǵynan jáne ómir boıy kólik quralyn basqarý quqyǵynan aıyrylady», - dedi M. Ahmetjanov Parlament Senatynda tilshiler saýalyna jaýap bere otyryp.

Budan buryn habarlanǵandaı, Parlament Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda qylmystyq jáne qylmystyq-protsestik zańnamany jetildirý máseleleri boıynsha zań jobasy talqylandy.

Onda qasaqana qylmystar úshin jaýapkershilikti kúsheıtý máselesi qaraldy.