Qazaqstanda «Máńgilik El» poshtalyq markasy shyqty

ASTANA. QazAqparat - Astanada QR Táýelsizdiginiń 25 jyldyǵy aıasynda «Máńgilik El» markasynyń saltanatty ashylýy bolyp ótti, dep habarlaıdy «QazAqparat» HAA tilshisi.

Shyǵarylǵan markalardyń jalpy taralymy 7,5 myń, al bir markanyń baǵasy 100 teńgeni quraıdy.

«Osy ýaqytqa deıin (Táýelsizdiktiń 25 jyly) memlekettik merekelerge, mereıtoılyq kúnderge, belgili tulǵalarǵa arnalǵan myńnan astam túrli markalar jaryq kórdi. Sondyqtan búgingi is-shara - bizdiń, qazaqstandyq poshtanyń áleýetin arttyryp, Qazaqstandy serpindi damyǵan el retinde kórsetetin kezeńderdiń biri», - dedi OKQ  baspasóz konferentsııasynda «Qazposhta» AQ atqarýshy dırektory Sáýle Egemberdıeva.  

Poshta markasy perforatsııasy jotaly, jıyrma markadan quralǵan tańbaly qaǵaz túrindegi 4 boıaýly ofsetti qaǵazdan jasalǵan. Sýretshisi - Ksenııa Plýjnıkova. Markalar QR Ulttyq bankiniń banknottyq fabrıkasyna basylyp, ÝF-tústerinen qorǵaıtyn elementter qoldanyldy.