Qazaqstanda mal urlyǵy úshin jaza kúsheıtildi

NUR-SULTAN. QazAqparat – QR Bas Prokýrorynyń orynbasary Marat Ahmetjanov elimizdegi qylmys ahýaly týraly, sondaı-aq qylmystyq, qylmystyq-protsestik zańnamany jetildirý boıynsha QR Zańynyń negizgi novellalary týraly aıtyp berdi, dep habarlaıdy QazAqparat tilshisi.

Atalǵan zańǵa QR Prezıdenti 2019 jyldyń 28 jeltoqsanynda qol qoıdy.

«Jańa Zań boıynsha Qylmystyq Kodekstiń 188-1-baby engiziledi, onda mal urlyǵy úshin jazanyń eń uzaq merzimi - 12 jylǵa deıin bas bostandyǵynan aıyrý qarastyrylǵan. ıAǵnı, mal urlyǵy aýyr qylmystar qataryna aýystyrylady, onda qaıtalanǵan qylmystar úshin tatýlasý bolmaıdy. Qylmystyq top quramynda jáne asa iri kólemde jasalǵan qylmys úshin jaza kúsheıtilip, 12 jylǵa deıin bas bostandyǵynan aıyrý jazasy kózdeledi», - dedi Marat Ahmetjanov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.

Bas prokýror orynbasary mal urlyǵy máselesine Prezıdenttiń erekshe nazar aýdarǵanyn jetkizdi.

«Kóptegen pýnkt boıynsha mal urlyǵyn aýyr qylmys sanatyna jatqyzýǵa bolady. Jaǵdaıdy saralaı kele, mal urlyǵynyń jeke kásipke aınalǵanyn, oǵan kóptegen adamdardyń qatysatynyn kórdik», - dedi M. Ahmetjanov.