Qazaqstanda mal sharýashylyǵynyń damý qarqyny tómen óńirler ataldy
«Mal sharýashylyǵynda jalpy oń ósý qarqyny baıqalǵanymen, ósim 7 aıdaǵy 4,1 paıyzdan 8 aıdyń qorytyndysy boıynsha 3,9 paıyzǵa tómendegen. Atap aıtqanda, Jambyl oblysy óndiris 3,4 paıyzdan 2,7-ge, Shyǵys Qazaqstan - 4 paıyzdan 3,7-ge, Pavlodar - 4,4 paıyzdan 4,1-ge, Qostanaı - 5,2 paıyzdan 4,9-ǵa, Qyzylorda - 2,7 paıyzdan 2,4-ke, Qaraǵandy - 3,6 paıyzdan 3,4-ke, Almaty oblysy - 3,4 paıyzdan 3,2-ge tómendeýine jol berip otyr», - dedi Arman Evnıev.
Aýyl sharýashylyǵy vıtse-mınıstriniń aıtýynsha, et óndirisi ótken jyldyń tıisti kezeńimen salystyrǵanda 4,5 paıyzǵa ulǵaıǵan. Alaıda bul osy jyldyń 7 aıynda qalyptasqan kórsetkishten tómen, bolyp otyr.
«Ósim qarqynyna tómendeýine Jambyl (4 paıyzdan 3-ke deıin), Shyǵys Qazaqstan (5,1 paıyzdan 4,1-ge deıin) oblystary 1 paıyzǵa, Qostanaı 0,8 paıyzǵa, Qaraǵandy, Pavlodar jáne Qyzylorda oblystary 0,4 paıyzǵa jol berip otyr», - deıdi ol.
Arman Evnıevtiń aıtýyna qaraǵanda, atalmysh óńirler sıyr etiniń eksporty boıynsha jospardy da oryndamaǵan. Atap aıtqanda, et eksporty boıynsha jospar Qaraǵandy oblysynda 7%-ǵa, Shyǵys Qazaqstanda 8%-ǵa, Qostanaıda 16%-ǵa, Soltústik Qazaqstanda 17%-ǵa ǵana oryndalǵan.
«Bul et eksporty baǵdarlamasyn iske asyrý boıynsha óńirlerdiń jetkilikti túrde jumys istemegenin kórsetedi. Sonymen qatar, Qostanaı, Soltústik Qazaqstan oblystarynyń analyq mal basyn tuqymdyq túrlendirýge qatysý úlesi tıisinshe 11,6% jáne 13,7%-dan aspaıdy», - deıdi Arman Evnıev.
Foto: ontustik.gov.kz