Qazaqstanda mal sharýashylyǵy naryǵyn baqylaýǵa arnalǵan jańa saıt iske qosyldy
18:31, 17 Sáýir 2013
ASTANA. 17 sáýir. QazAqparat - Qazaqstanda sybaga.kz jańa aqparattyq resýrsy iske qosyldy, onda tuqymdyq qaıta qurý jáne iri qara etiniń eksporttyq áleýetin damytý kórinis tapqan. QR Premer-Mınıstri resmı saıtynyń habarlaýynsha, bul jaıynda QR Aýyl sharýashylyǵy vıtse-mınıstri Gúlmıra Isaeva málim etken.
«Jańa saıtta onlaın rejiminde taýarlyq maldyń qanshalyqty sany, tuqymdyq túrlendirýde qatysatyny jóninde aqparat alýǵa bolady. Sondaı-aq, aýdandardyń jáne oblystardyń tuqymdyq túrlendirýge qatysatyn mal úlesi boıynsha reıtıngisimen jáne mal ósiminiń qarqynymen tanysýǵa bolady», - dedi G.Isaeva.
Sonymen qatar, ol eń bastysy baǵdarlama arqyly buqalardy ýaqytyly almastyrýdy qadaǵalaı otyryp, tuqymdyq túrlendirý úrdisin baqylaýǵa bolatynyn atap ótti.
Oǵan qosa, saıtqa kez kelgen adamnyń qoly jetimdi jáne ony qoldaný úshin elektrondy-sandyq qoltańba alý qajet emes.