Qazaqstanda mal satyp alýǵa nesıe berýdiń kepildik tártibi ózgerdi
Aýyl sharýashylyǵy mınıstri Saparhan Omarovtyń 17 shildedegi buıryǵymen bekitilgen Mal sharýashylyǵyn damytý erejelerine ózgertýler men tolyqtyrýlar engizildi.
Atap aıtqanda, negizgi ózgerister qoı sharýashylyǵynyń sýbsıdııasyna engizildi: asyl tuqymdy tóldeıtin qoılarmen selektsııalyq jáne asyldandyrý jumystarynyń normalary 2500-den 4000 teńgege deıin, taýarlyq qoılarǵa - 1500-den 2500 teńgege deıin kóterildi.
Sondaı-aq, asyl tuqymdy otandyq (8 myńnan 15 myńǵa deıin) jáne ımporttalǵan qoılardy (bir basyna 150 myń teńgege deıin) satyp alý normalary joǵarylady.
Mal sharýashylyǵymen aınalysatyn fermerlerge qolaıly jaǵdaı jasaý maqsatynda mınıstrlik mal satyp alýǵa nesıe berýdiń kepildik saıasatyn ózgertti, sonymen qatar fermerlik sharýashylyq pen bordaqylaý alańdaryna nesıe alýǵa ótinishterdi qaraý merzimderi ońtaılandyryldy.
Endi maldy 1:1 ótimdilik koeffıtsıentimen satyp alýǵa bolady. Sonymen birge, fermerler sýbsıdııa alǵannan keıin, turaqty kepildik - 15 bolady. Qalǵan 85% satyp alynǵan malmen qamtamasyz etiledi.
Qazaqstandyq mal ósirýshilerge qosymsha qoldaý kórsetý úshin karantın kezindegi dıagnostıkalyq zertteýlerdiń baǵasy sıyrǵa 23,5 myńnan 4271 teńgege deıin, al Eýropalyq Odaq elderinen ákelingen buqa úshin 28,5 myńnan 8741 teńgege deıin tómendetildi.
Ákimdikter men aýylsharýashylyǵy taýaryn óndirýshilerdiń ótinishterine baılanysty, QR Aýyl sharýashylyǵy mınıstrligi karantın kezinde ımporttalǵan malǵa dıagnostıkalyq synaqtar júrgizý shyǵyndardyn ońtaılandyrý boıynsha jumystar júrgizdi.
Eýropalyq Odaqta janýarlardyń asa qaýipti aýrýlary boıynsha epızootııalyq jaǵdaı turaqty bolǵandyqtan, Shmallenberg aýrýy boıynsha karantın kezinde EO-dan ımporttalǵan janýarlardyń bir PTR testileýine deıin azaıtý týraly sheshim qabyldandy.
Zertteý jumystarynyń qunyn tómendetý ımporttalǵan mal basyn ákelý kezinde aýylsharýashylyq taýaryn óndirýshiler júktemesin edáýir azaıtady.
Karantın kezindegi ımporttalatyn janýarlardy dıagnostıkalyq zertteý quny Qazaqstan Respýblıkasynyń barlyq aımaqtarynda birdeı ekenin atap ótken jón.
Kanadadan ákelingen iri qara maldy tekserý quny (veterınarlyq sertıfıkattarda kórsetilgen aýrýlardyń tizimine sáıkes), eger tabıǵı qashyrý qoldanylmasa, 1 sıyrǵa 1978 teńge, al tabıǵı qashyrý qoldanylsa, 3267 teńge bolady. Buqany zertteý quny - 6448 teńge jáne sáıkesinshe 7737 teńge.
AQSh-tan ákelingen mal úshin: sıyrǵa - 2697 teńge, buqaǵa - 7167 teńge.
Avstralııadan ákelingen ІQM: sıyrǵa - 1408 teńge, buqaǵa - 2984 teńge.
Latyn Amerıkasynan ákelingen ІQM: sıyrǵa - 4120 teńge, buqaǵa - 8590 teńge.
EAEO-ǵa múshe memleketterden (Reseı Federatsııasy jáne Belarýs) ákelingen iri qara malǵa: sıyrǵa - 3183 teńge (vırýstyq dıareıa men juqpaly rınotraheıtke qarsy egilmegen) jáne 1978 teńge (egilgen), buqa úshin - 7653 teńge (egilmegen) jáne 6448 teńge (egilgen).
2020 jyly Agroónerkásiptik keshendi damytýdyń memlekettik baǵdarlamasyna sáıkes Qazaqstanǵa 95 myń bas et jáne sút baǵytyndaǵy iri qara mal ákelý josparlanyp otyr.