Qazaqstanda maqta-mata óndirisi 43,6 paıyzǵa tómendedi

ASTANA. QazAqparat - 2022 jylǵy qańtar-jeltoqsanda toqyma buıymdaryn óndirý boıynsha maqta-mata segmentinde 43,6% tómendeý baıqaldy, dep habarlaıdy QazAqparat.

Osylaısha zattaı túrde qazaqstandyq mata óndirisiniń kólemi 2022 jyly 11,5 mln sharshy metrdi qurady, al 2021 jyly ol 20,5 mln sharshy metr bolǵan.

Sonymen qatar, kardo jáne taraqtalǵan maqta óndirisi 10,4%-ǵa, ıaǵnı 48,8 myń tonnaǵa deıin qysqardy.

«Sondaı-aq, fetr jáne kıiz shyǵarý óndirisi 6,1%-ǵa (396,7 mln teńgege deıin) tómendedi» dep habarlady ulttyq statıstıka bıýrosy.