Qazaqstanda lokomotıvterdiń 52%-y tozǵan

<p>QR Kólik mınıstri Marat Qarabaev lokomotıv pen júk kólikterin satyp alý jumystary týraly aıtyp berdi, dep habarlaıdy <a href="Kazinform" target="_blank" rel="noopener">Kazinform </a>tilshisi.</p>

Qazirgi ýaqytta, lokomotıv parkiniń jalpy sany – 1 880 jáne tozý deńgeıi – 52%.

«Qajetti lokomotıvter sanyn qamtamasyz etý men tozý deńgeıin tómendetý maqsatynda bıyl 133 lokomotıv satyp alyndy. Lokomotıvterdiń negizgi óndirýshileri – otandyq Lokomotıv jáne Elektrovoz qurastyrý zaýyttary. Taǵy qosymsha lokomotıv satyp alý máselesi pysyqtalýda», - dedi M. Qarabaev búgingi Úkimet otyrysynda.

Osylaısha 2025 jylǵa deıin 568 lokomotıv satyp alý josparlanýda, bul jyljymaly quram parkindegi tapshylyqty tolyq joıady.

«Oǵan qosa, elimizde 135 myń júk vagondary bar. Naryqta 300-den asa operator jumys isteıdi. Onyń ishinde Qazaqstan temir jolyna 38 myń vagon tıesili, olar áleýmettik mańyzy bar tasymaldarǵa, ıaǵnı elimizdiń energetıkalyq sektoryna jáne halyqqa jetkiziletin kómirdi tasymaldaýǵa jumyldyrylǵan. 2025 jylǵa deıin ulttyq operator qosymsha 3 myń ashyq vagon satyp alýdy josparlap otyr. Onyń 275-i bıyl paıdalanýǵa berildi”, - dep túsindirdi mınıstr.

Buǵan deıin Marat Qarabaev shekaradaǵy temirjol ınfraqurylymynyń jaı-kúıi týraly aıtyp bergen edi.