Qazaqstanda «Qyzǵaldaq syıla» chellendji bastaldy
Aýa raıynyń qytymyrlyǵyna qaramastan aktsııa qatysýshylary qala turǵyndaryna jylylyq pen meıirim, ádemi kóńil-kúı syılaı bildi.
Elimizde ótken Qazaqstan men Shotlandııa arasyndaǵy fýtbol matchyn tamashalaý úshin arnaıy kelgen jankúıerlerdiń biri Esil jaǵalaýynda serýendep júrgen bolatyn. Ol aýa raıynyń salqyndyǵyna qaramastan shotlandyqtardyń ulttyq kıimi - kılt kıip alypty.
Chellendj ben aktsııa taqyrybyna qyzǵaldaqtyń tańdalýy kezdeısoqtyq emes - qyzǵaldaqtyń ulttyq ıgiligimiz ekeni aıdan anyq. Jer betinde osydan 10-15 mln jyl buryn paıda bolǵan qyzǵaldaqtyń Otany - qazirgi Qazaqstan Respýblıkasy ornalasqan aýmaq ekeni belgili. Qazaqstanda qazirdiń ózinde qyzǵaldaqtyń 38 túri ósedi. Bul - jer betinde óz betimen ósetin, ǵylymda belgili 80 túrli jabaıy qyzǵaldaqtyń jartysyna jýyǵy.
Ádemi jáne kúı talǵamaıtyn bul gúl adamzatpen etene ósti, kóp ǵasyrdan beri adamzat onyń 3 myńnan astam túrin ósirip shyǵardy. Ókinishke qaraı, bizdiń elimizde qyzǵaldaqty jappaı ósirý qolǵa alynbaǵan. Naýryz nemese 8 naýryz sekildi merekelerde gúldiń kópshiligi qyzǵaldaq ósirýdi kásip etken Gollandııadan ushaqpen jetkiziledi. Búginde qyzǵaldaq ósirý, jańa túrlerin jasap shyǵarý men satýda eýropalyqtar búkil álemniń aldynda kele jatyr.
«Soǵan qaramastan, bul ǵajap gúldiń besigi, túp-tamyry báribir osy elde, sondyqtan «Qazaqstan - qyzǵaldaqtyń otany» dep senimmen aıta alamyz. Mine, sondyqtan «Jas Otan» jastar qanaty árbir adamǵa úndeý joldaıdy - «Qyzǵaldaq syıla» bastamasyna ún qosyńyzdar! Gúl syılańyzdar. Al biz estafetany Almaty qalasyna joldaımyz. Aktsııanyń kelesi kezeńi sonda ótedi.
Gúl tartý etkende óz sharýasymen asyǵys ketip bara jatqan adamdardyń qalaı ózgeretinin, eriksiz jymıyp, shynaıy qýanyshqa bólenetinin baıqaısyzdar ma? Óıtkeni, qyzǵaldaq - tabıǵattyń jańarýynyń tiri sımvoly, sulýlyqtyń belgisi», - deıdi aktsııa uıymdastyrýshylary.