Qazaqstanda qys mezgilindegi tótenshe jaǵdaılarǵa daıyndyq jattyǵýlary bastaldy

NUR-SULTAN. QazAqparat - 2021 jyly 11-12 qarasha aralyǵynda elimizde «Qysqy kezeń jaǵdaıynda tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdary men kúshterin daıarlaý» taqyrybynda «Qys 2021» respýblıkalyq komandalyq–shtabtyq oqý-jattyǵý ótkiziledi.

Oqý-jattyǵý qys kezeńindegi tótenshe jaǵdaılardy joıýǵa Azamattyq qorǵaý memlekettik júıesiniń jáne halyqtyń daıyndyq deńgeıi men qabiletin arttyrý, azamattyq qorǵaý qyzmetteri men quramalarynyń qysqy kezeńdegi tótenshe jaǵdaıǵa den qoıýǵa ázirligin tekserý maqsatynda ótkiziledi, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Oqý-jattyǵýdyń basshylyq shtaby Shyǵys Qazaqstan oblysy TJD-da ornalasady (Óskemen qalasy, TJD Daǵdarys ortalyǵy).

«Qys-2021» oqý-jattyǵýy aıasynda respýblıka boıynsha tótenshe jaǵdaıdy joıý boıynsha is-áreketterdi pysyqtaýǵa arnaıy-taktıkalyq jattyǵýlar, avarııalyq-qutqarý qyzmetterimen jáne azamattyq qorǵaý quramalarmen praktıkalyq áreketter ótkiziledi.

«Oqý-jattyǵýy aıasynda elmizdiń óńirlerinde elektr dabyldar qosýymen qulaqtandyrý júıesine tehnıkalyq teskeris júrgiziledi. Osy is-shara halyqqa «Barshanyń nazaryna!» qulaqtandyrý biryńǵaı dabylyna áreket etý tártibin úıretý maqsatynda ótkiziledi»,-delingen QR Tótenshe jaǵdaılar mınıstrliginiń baspasóz qyzmeti taratqan aqparatta.