Qazaqstanda qyrkúıek aıynda 102 myńnan asa avtokólik esepke qoıyldy - statıstıka

ASTANA. QazAqparat - Bıylǵy qyrkúıekte 102,2 myń avtokólik quraly esepke qoıyldy, bul ótken jyldyń sáıkes kezeńimen salystyrǵanda 10,9 %-ǵa kóp, dep habarlaıdy QazAqparat.

Ulttyq statıstıka bıýrosynyń málimetinshe, munyń ishinde jeńil avtomobılder – 10,4 %-ǵa, júk kólikteri – 20,8 %-ǵa, al avtobýstar sany 5,6 %-ǵa artqan.

«Máselen, 2022 jylǵy 1 qazandaǵy jaǵdaı boıynsha Qazaqstanda tirkelgen avtokólik quraldarynyń sany 4 362 myńdy qurady, onyń ishinde 87,8 %-y jeńil avtomobılder, 10,2 %-y júk kólikteri jáne 2%-y avtobýstar.

Jyl basynan qyrkúıektiń sońyna deıin elimizde 10 258 jol-kólik oqıǵasy tirkelip, 15 092 adam zardap shekken. Ótken jylǵy tıisti kezeńmen salystyrǵanda apat sany 8,9%-ǵa artty», - dep jazdy vedomstvodan.

1 qazandaǵy jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 35,9 mlrd teńgege 68 885 saqtandyrý tólemin júzege asyrdy.