Qazaqstanda qylmystan jábir kórgenderdiń materıaldyq shyǵyndaryn óteıtin qor qurylady - Bas prokýratýra

ASTANA. QazAqparat - Qazaqstanda qylmystan jábir kórgenderdiń materıaldyq shyǵyndaryn óteıtin qor qurylady. Bul týraly Bas prokýratýrada jańa Qylmystyq-protsessýaldyq zańnamaǵa kóshý máselelerine arnalǵan brıfıngte Qylmystyq protsestiń sotqa deıingi satysynyń zańdylyǵyn qadaǵalaý departamentiniń bastyǵy Ámirhan Amanbaev málim etti.

Onyń aıtýynsha, atalǵan qor jańa Qylmystyq-protsessýaldyq zańnamaǵa sáıkes qylmyskerlerden tárkilengen jáne zańsyz tabylǵan múlikterdiń negizinde qurylmaq.

"Shet elderge qashyp ketip nemese izin jasyryp, ustatpaı júretin qylmyskerler bar. Is uzaqqa sozylyp, japa shekkenderdiń moraldyq jáne materıaldyq shyǵyndary ótelmeı qalady. Sondyqtan Qazaqstanda qylmystan jábir kórgenderge kómek berý jáne materıaldyq shyǵyndardy óteý qory qurylady. Bul tájirıbe batys elderinde bar. Endi sondaı qor bizde de qurylatyny anyq. Tıisti jumystar atqarylýda", - dep atap ótti ol.

Onyń sózine qaraǵanda, qordyń jalpy tetikteri jasaqtalýda.