Qazaqstanda KVI-dan ólim-jitim statıstıkasy aptasyna bir ret jarııalanyp otyrady

NUR-SULTAN. QazAqparat – Qazaqstana koronavırýs ınfektsııasynan keletin ólim-jitim statıstıkasy aptasyna bir ret beriletin boldy. Bul týraly Ortalyq kommýnıkatsııalar qyzmetinde ótken baspasóz máslıhatynda Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Bul mańyzdy sharýa. Biz buryn mundaı málimetterdi kún saıyn berip otyrdyq. Alaıda bir patsıent bir kún buryn qaıtys bolsa, biz ol týraly málimetti keleis kúni alyp otyrýymyz múmkin. Sol sebepti mundaı statıstıkany aptasyna bir ret berip otyrýdy jón dep sheshtik», - dedi Alekseı Tsoı.

Eske sala ketsek búgin QR Premer-Mınıstri Asqar Mamınniń tóraǵalyǵymen ótken Memlekettik komıssııa otyrysynda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq ahýaldy turaqtandyrý sharalary qaralǵan bolatyn. Memlekettik komıssııanyń sheshimimen 5 shildeden bastap elimizde 14 kúnge qatań shekteý sharalary engiziletin boldy.