Qazaqstanda KVI boıynsha antıdeneni anyqtaıtyn aýqymdy zertteý júrgiziledi

NUR-SULTAN. QazAqparat - QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev adamdardy koronavırýs boıynsha testten ótkizý máseleleri jaıly jańalyqtarmen bólisti, dep habarlaıdy QazAqparat tilshisi.

«Osy aıdyń maýsymynan beri vırýs juqtyrǵandardyń artýyn esepke ala otyryp, biz testileýdiń ózindik amal-ádisterin qaıta qaradyq. JRVI jáne pnevmonııa sekildi aýrýlar anyqtalǵan jaǵdaılarǵa basymdyq bere bastadyq. Azamattardyń óz talap-tilegimen zertteýden ótýi kezinte belgili bir defıtsıttiń bolǵanyn bilemiz. Aqyly negizde – jeke nemese memlekettik zerthanalarda da solaı boldy. Qazaqstanda qazirgi ýaqytta basqa elderden qaraǵanda test kóp mólsherde júrgiziledi», - dedi ol OKQ-da tilshilerdiń suraǵyna jaýap bere otyryp.

Komıtet tóraǵasy Úkimet rezervi arqyly otandyq jáne sheteldik taýar óndirýshilerden taǵy 1,2 mln PTR-test júıesi satyp alynǵaly jatqanyn eske saldy.

Sonymen qatar Tımýr Sultanǵazıev Qazaqstan Dúnıejúzilik densaýlyq saqtaý uıymymen birge koronavırýs boıynsha antıdenelerdi anyqtaýǵa baılanysty zertteý júrgizgeli jatqanyn aıtyp ótti.

«Dúnıejúzilik densaýlyq saqtaý uıymymen birge epıdemıologııalyq zertteýdi júrgizý josparda bar. Zertteý mańyzyn eskere otyryp, Antıdenelerdi zertteý jumysy Bas memlekettik sanıtarlyq dárigerdiń qaýlysyna, dıagnostıka men emdeýdiń klınıkalyq hattamasyna engizilgen», - dedi ol.