Qazaqstanda kúzet qyzmetimen aınalysýǵa lıtsenzııa qalaı beriledi

NUR-SULTAN. QazAqparat – Elimizde kúzet qyzmetimen aınalysatyn jeke uıymdarǵa lıtsenzııany kim beredi jáne ol qandaı talappen beriledi? Bul suraqqa QR Іshki ister mınıstrliginiń Kúzet qyzmetin baqylaý departamentiniń sarapshysy Danııar Sultanov jaýap berdi, dep habarlaıdy QazAqparat tilshisi.

«Elimizde kúzet qyzmeti týraly zańnamaǵa ózgerister men tolyqtyrýlar engizildi. Tıisinshe kúzet qyzmetimen aınalysatyn uıymdar men sala mamandaryna qoıylatyn talap ta ózgerdi. Aldymen uıym jeke kúzet qyzmetimen aınalysý úshin Іshki mınıstrliginiń arnaıy lıtsenzııasyn alýy kerek. Sondaı-aq, ol uıymnyń kúzet salasynda kem degende 1 jyl tájirıbesi bolýy tıis. Jeke keńsesi men tıisti qural-jabdyqtarynyń bolýymen qatar, kem degende 2 jedel áreket toby bolýy shart. ıAǵnı shuǵyl jaǵdaı týyndaǵan kezde atalǵan 2 toptyń músheleri jedel áreketke daıyn bolýy tıis. Árıne, qyzmettik kóliktiń bolýy da mindetti», - dedi Danııar Sultanov «Kazakhstan Security Systems -2021» atty respýblıkalyq konferentsııa barysynda.

Sondaı-aq, ІІM ókili kúzet qyzmetimen aınalysatyn uıymnyń jetekshisi onyń qyzmetine tikeleı jaýapty bolatynyn eske saldy.

«Lıtsenzııa berý ýaqyty jaǵynan ártúrli, sebebi bul óte tııanaqty tekserýdi talap etetin protsess. Lıtsenzııa berilmesten buryn kúzet mekemesimen kelisimshart jasalady. Atalǵan qyzmetke qatysty taǵy bir mańyzdy jaıt kúzetshi mamandardyń daıarlyǵy. Qyzmetkerler únemi bilim-bilikterin jetildirip otyrýy tıis. Olardyń áskerı nemese sport dárejesi bolǵany abzal. Sol sekildi kúzet qyzmetimen aınalysatyn uıym qaýipsizdik salasyna qatysty zańnamalardy qatań saqtaýy tıis, onyń ishinde terrorızmge qarsy kúres týraly zań da bar», - deıdi ol.

Odan bólek, sarapshy kúzet qyzmeti jumysyn ilgeriletýde profılaktıkalyq sharalardyń da mańyzǵa ıe ekenin alǵa tartty.

Aıta keteıik, búgin elordada terrorıstik qaýip-qaterge qarsy kúres taqyrybyna arnalǵan 8-shi respýblıkalyq konferentsııa ótip jatyr.