Qazaqstanda qurylys salasynda 46 myń kásiporyn jumys isteıdi

NUR-SULTAN. QazAqparat – Bıyl 11 aıdyń qorytyndysynda qurylys jumystarynyń kólemi 4,6 trln teńge boldy. Bul týraly QR Indýstrııa jáne ınfraqurylymdyq damý mınıstri Beıbit Atamqulov málim etti, dep habarlaıdy QazAqparat tilshisi.

«Qurylys salasy - ekonomıkanyń belsendi damyp kele jatqan salalarynyń biri. Ol ekonomıkanyń aralas sektorlaryn biriktiredi, áleýmettik mańyzy zor jáne ekonomıkalyq ósimniń lokomotıvi. 2020 jyldyń qorytyndysynda eldiń jalpy ishki ónimindegi qurylys salasynyń úlesi 6,1paıyzdy qurady. Boljamdy derekter boıynsha 2021 jyldyń qorytyndysy boıynsha 6,25 paıyz bolady kútilýde. Bıyl 11 aıdyń qorytyndysynda qurylys jumystarynyń kólemi 4,6 trln teńge boldy. Bul - ótken jylǵydan 6,2 paıyzǵa joǵary», - dedi B. Atamqulov Úkimet otyrysynda.

Onyń aıtýynsha, búgingi tańda qurylys salasynda 46 476 kásiporyn jumys isteıdi. Onyń ishinde qurylys materıaldary óndirisinde – 2 420 kásiporyn. 641 myń qyzmetker men maman jumyspen qamtylǵan.